相比起闹市嘅精致佳肴，
小编更中意地地道道嘅农家菜！
最近，小编发现广州嘅闹市中居然隐藏着一间
钓鱼麻雀烧烤一应俱全的农家菜！
无错啦！就係呢一片绿洲内...
↓
丫髻沙大桥？？
髻沙大桥相信好多人会略知一二
但其实小编讲嘅係桥底呢片绿洲！
【丫髻沙小岛】
图片@雅文秀子
小岛位于丫髻沙大桥桥底，珠江中央，
无任何陆路可以前往岛上，只能够搭船上岛。
今次攀山涉水（坐车坐船）嚟到
目的地只有一个
刚 记 美 食 农 庄
广州最近市区嘅岛上独立农庄
农家菜钓鱼麻雀烧烤一应俱全
又一个可以玩足一日嘅地方
（ps：新业路码头就有停车位哦！）
路程唔远，五分钟左右就到。远处就能望到刚记嘅招牌~农庄临江而建，有这一种江南水上人家嘅感觉。
小岛虽然唔係世外桃源，但係同对面江嘅闹市却有天渊之别。少咗车水马龙嘅嘈杂燥动，更多嘅係清新宁静。
农庄最讲究係食材新鲜
就连最基本嘅用油都要选用土榨花生油
游水靓鱼、肥美清远鹅、走地鸡等靓食材
即点即劏即食就最滋味
跟住小编，一起搵美食咯！
◆ ◆ ◆ ◆
大头鱼：一鱼四食
煎焗骨腩、凉拌鱼皮、无骨鱼片、清蒸/剁椒鱼头
生猛游水大头鱼，头大肥美，
肉质雪白细嫩！简直全身都係宝！
煎 焗 骨 腩
gzyinshihui
煎焗鱼骨腩係顺德菜嘅杀手锏！将骨腩裹上炸粉煎至金黄，再加上秘制调味粉、辣椒圈等调味，香喷喷好诱人！
鱼肉唔多，但係骨腩嘅魅力正正係吮充满鱼脂鱼香嘅骨头，外层香口酥脆，内里鱼肉鲜嫩多汁，劲惹味，终于知道连骨都唔放过係咩感觉喇~
葱油淋无骨鱼片
gzyinshihui
越清淡嘅做法就越考验鱼嘅新鲜度。师傅将大骨起走、细骨切碎，将鱼肉切成薄片灼熟，最后淋上热辣辣嘅姜葱酱油~
入口肉质细腻柔软，完全无鱼刺吉口嘅感觉，一D都唔会腥！鲜味超出唔少贵价海鲜！
剁 椒 鱼 头
gzyinshihui
鲜艳夺目嘅剁椒铺满晒喺鱼头表面，卖相简直令人流晒口水！鱼头浸喺剁椒汁入面，味道恰到好处咁渗入到鱼肉当中~。
鱼头胶质丰富肉质细腻，辣度岩岩好，更多嘅係咸香~当然一啲都唔食得辣嘅朋友，都可以选择清蒸鱼头噢~
凉 拌 鱼 皮
gzyinshihui
骨腩、鱼片、鱼头都试咗，就连鱼皮都唔可以放过！用嚟凉拌作为开胃小菜最适合不过。
加入花生、芫茜、调味料捞一下就可以上枱，虽然呢个菜式无咩太特别，但全靠食材新鲜，每一口咀嚼都食得出特别爽口。
◆ ◆ ◆ ◆
正宗清远鹅
碌鹅、焖鹅、酸梅鹅、清汤鹅、盐水鹅、烧鹅
温馨提示：
农庄黑鬃鹅现杀现做，建议提前一小时预约
从清远选取优质黑鬃鹅翻嚟圈养，
鹅味浓、肉结实，係做烧鹅嘅顶级食材！
大 盘 鹅
gzyinshihui
未摞到出嚟已经闻到香味！有秘制酱汁嘅加持，色泽油亮，就係睇个样就知道好味嗰种！鹅味浓郁，肉质结实有嚼劲，正！
白贝同干蚝令鹅肉鲜味提升成个档次！芋头饱吸酱汁好入味软糯，同时又降低咗鹅肉嘅肥腻感。连汁都唔可以放过，捞饭必备！
◆ ◆ ◆ ◆
农家走地鸡
铜盘蒸鸡、白切鸡、葱油淋鸡、豉油鸡
选用被圈被放养嘅正宗农家鸡，胡须鸡、芦花鸡 、贵妃鸡有齐！
围住池塘边活动，啄食跌落嘅果实，所以鸡质特别好！
砂锅焗豉油鸡
gzyinshihui
唔好睇影相好精致，其实超大一盘！带有酱油般明亮嘅色泽，味道咸香适中，略略带啲甜味，绝对色香味俱全！
肉质爽口弹牙，鸡皮更係滑嫩无比！
白贝只只开口，肉厚鲜嫩多汁
炭 吊 烧 鸡
gzyinshihui
无错啦 ，又係烧鸡，但係睇分量就知道比出面嘅大只N多！
前凸后翘，散发住迷人嘅芳香，色泽金黄嘅外层泛住油光！绝对系原只炭烧，非表皮淋油处理。想象下脆皮下面隐藏嘅嫩滑鸡肉，
摞起鸡肶，大啖咬落去！皮脆肉嫩，原汁原味锁喺鸡肉入面，连鸡胸肉都嫩滑到令人再三回味，齿颊留香！优惠价只要¥17.99/只，抵到烂啊！
脆 皮 豆 腐
gzyinshihui
第一次食咁整嘅豆腐，有啲似炸牛奶嘅口感！用山水豆腐制作，豆味浓郁，外酥内嫩！配埋甜酸酱一起食，一啖一个好满足！
木桌木椅，竹棚吊扇，透露住朴实嘅农家气息。右边珠江左边鱼塘，唔知係咪身临其境，喺刚记食饭觉得特别香，特别有原始嘅味道。
包房入面用自动麻雀机，饭后饱饱滞滞最适合搓翻两圈~
外面就係大型鱼塘，100蚊全天任钓~老板仲开玩笑讲：“咩都唔多就鱼多，鱼塘多！”鲩鱼、大头鱼、非洲鲫、鲮鱼，甚至水鱼都有人钓过上嚟！
因为鱼塘多陆地少，所以只能喺塘间陆地种菜种果~而且品种都唔少嘎，木瓜树、黄皮树、杨桃树等等都喺塘边小路茁长成长~
粉 丝 福 利
活动时间：即日起至2017.4.10日
炭吊烧鸡
每桌限点一只！
（周末、法定节假日通用）
美团上直接抢购哦！
食材新鲜、抵食夹大件，仲可以体验农家乐
快D坐船入嚟啦!
刚记美食农庄
人均消费:￥40
地址:海珠区丫髻沙小岛
A渡口:530/964石岗路总站
B渡口:新业西路尽头左转停车场内
公交指引：13路、59路、75路、79路、86路、546路、551路、583里、761路，可到达南石头车站，沿石岗路直入800米渡口
（B渡口有大型停车场，话去刚记停车免费噢↑）
扫描下方二维码回复【汤】
送你101种广东人靓汤做法
商务合作
郑重声明：此文内容为本网站转载企业宣传资讯，目的在于传播更多信息，与本站立场无关。仅供读者参考，并请自行核实相关内容。
